[Temo-04] Esploro Reala en La Tuta Mondo.

1. Ni esploras realajn informojn por nevidpovaj esperantistoj.
2. Raportis s-ro HASHIGUCHI kiu sendis 5 demandojn al kontaktintoj. (2003, januaro : "esploro 1".) Enhaveto (de esploro).

Esploro 1 .
Kunlaborantoj.

Ni prezentas kunlaborantojn por Esploro-1 pri bazaj informoj de nevidpovaj esperantsitoj. 
(1) S-ro BASTONO en Serba Respubliko.
(2) S-ino Birbara en Italio.
(3) S-ro A M en Rusio.
(4) S-ro V G en Makedonio.
(5) S-ino L P en Ukrainio.

(6) S-ro H S en Japanio.

Demando 1 de Esploro 1 = Chu vi (aw geesperantistoj) jam havas BRAJLE tradukitajn kaj facile legeblajn librojn por komencantoj ?

[ S-ro BASTONO ]. Mi nun ne havas, sed iam mi havis.

[ S-ino Birbara ]. Mi ne havas, sed nia asocio havas ilin kaj vendas ilin. Se vi intencas acheti iun libron, sur kasedo aw en brajlo, mi komunikos al vi la kostojn. La Asocio sendos ilin al vi. Ni ne povas prunti ilin.

[ S-ro A M ]. Jes, ni havas en brajlo sufiche da facile legeblaj libroj por komencantoj. Se vi interesighas, alifoje mi prezentos la listeton al vi.

[ S-ro V G ]. En Makedonio kaj Prilep (urbo kie mi loghas) ni ne havas brajle tradukitajn kaj facile legeblajn librojn por komencantaj esperantistoj. En nia biblioteko ni havas multe da brajle skribitaj libroj, sed ne libroj por komencantoj.

[ S-ino L P ]. Mi ne konservas brajlajn librojn, ili okupas tre multe da loko. Se iu libro trafas en miajn manojn, mi klopodas tralegi ghin kaj donaci al iu. Sed, se estas interesighantoj, mi povas vochlegi librojn, kiujn mi havas en mia komputilo, aw sendi ilin sur disketo en formo de ordinara teksto.

Demando 2 de Esploro 1 = Chu en via lando multe ekzistas BRAJLE tradukitaj libroj Esperantaj ?

[ S-ro BASTONO ]. Bedawrinde ne. Mi opinias ke biblioteko de Ligo de Blinduloj de Respubliko Serba havas nur unu eble du librojn pri Esperanto en Brajlo.

[ S-ino Birbara ]. Ili estas pli malpli 20, sed por komencantoj estas malmultaj.

[ S-ro A M ]. Ankaw en mia lando Rusio estas multaj Esperanto-libroj en brajlo, chu nialande eldonitaj, chu ricevitaj el eksterlando.

[ S-ro V G ]. En Makedonio, ne ekzistas brajle tradukitaj libroj en Esperanto. Chiuj libroj kiuj ni havas (brajle skribitaj) estas eldonitaj de aliaj eks-jugoslaviaj respublikoj.

[ S-ino L P ]. En nia lando oni preskaw ne eldonas librojn brajle ech en nia gepatra lingvo, pri Esperanto ech ne temas. Antaw dek jaroj aperis lernolibro pri Esperanto en la rusa lingvo.

 

Demando 3 de Esploro 1 = Chu via landa BRAJLA sistemo por Esperanta lingvo estas sama al Japana sistemo (ses punktoj) ?

[ S-ro BASTONO ]. Jes, Brajla sistemo estas sespunkta. Jen kelkaj literoj:

A estas farita de 1 punkto (1).

B estas farita de 2 punktoj (1 kaj 2).

C estas farita de 2 punktoj (1 kaj 4).

D estas farita de 3 punktoj (1 kaj 4 kaj 5).

Jen Esperantaj literoj:

Ch estas farita de 3 punktoj (1 kaj 4 kaj 6).

Gh estas farita de 5 punktoj (1 kaj 2 kaj 4 kaj 5 kaj 6).

Hh estas farita de 4 punktoj (1 kaj 2 kaj 5 kaj 6).

Jh estas farita de 4 punktoj (2 kaj 4 kaj 5 kaj 6).

Sh estas farita de 4 punktoj (2 kaj 3 kaj 5 kaj 6).

Uh estas farita de 3 punktoj (3 kaj 4 kaj 6) ktp.

[ S-ino Birbara ]. Jes, brajlaj libroj uzas 6 punktoj. Mi kredas ke ghi estas egala aw tre simila al japana sistemo.

[ S-ro A M ]. Mi estas certa, ke la sespunkta brajla sistemo nun estas universala por chiuj blinduloj en chiuj landoj, kaj tio estas grava avantagho por libro-eldonado en chiuj landoj.

[ S-ro V G ]. Nia landa brajla sistemo estas sama al Japana sistemo (kun ses punktoj), sed law miaj lastaj ekscioj en nia chefurbo Skopje en kiu blindaj organizacioj estas tre viglaj kaj ricevas grandan financan kaj materialan helpon (poste lasta donaco kaj edukado de Nederlanda shtato), nun oni uzas kaj alia sistemo kun ok punktoj.

[ S-ino L P ]. Jes.

​
Demando 4 de Esploro 1 = Kiom da nevidpovaj esperantistoj uzas personajn komputilojn ?

[ S-ro BASTONO ]. En Respubliko Serba nur mi uzas PC-komputilon sed mi konas kelkajn ge-esperantistojn el Jugoslavio kaj Kroatio kiu uzas komputilon.

[ S-ino Birbara ]. Multaj nevidpovuloj uzas komputilon, sed mi nun ne konas aliajn nevidpovajn esperantistojn.

[ S-ro A M ]. Mi ne havas ghustan statistikon, kiom da nevidpovaj komputilo-uzantoj ekzistas en la mondo.

[ S-ro V G ]. En Prilep ghis nun, neniu de nevidpovaj esperantistoj uzas PC-komputilon. Havas eblecon unu de ili acheti PC-komputilon, sed vere mi ne scias kiom da tempodawro estos necesa por lia instruado uzi komputilon. Nun, nur pere mia komputilo Prilepaj esperantistoj nevidpovaj estas ligitaj kun alilandaj esperantistoj blindaj.

[ S-ino L P ]. Eble, kvin.

Demando 5 de Esploro 1 = Kiom da nevidpovaj esperantistoj povas kontakti interrete kun alilandanoj ?

[ S-ro BASTONO ]. El Respubliko Serba krom mi ankoraw du aw tri nevidpovaj ge-esperantistoj povas uzi kaj kontakti per reto.

[ S-ino Birbara ]. Mi povas publikigi anonceton sur "Itala Ligilo", brajla revuo el la asocio kun via retadreso kaj peti ilin kontakti vin.

Chu vi volas ke mi publikigas vian retadreson? Kial vi deziras nur nevidpovulojn? Per interreto oni povas komuniki kun multajn homojn.

Mi estas nevidpovulino sed mi korespondas kun vidantaj homoj el la tuta mondo, ankaw tio estas interesega sperto.

[ S-ro A M ]. Mi povas nur diri al vi, ke antaw nelonge mi kompilis "Internacian Adresaron de Blindaj Esperantistoj" kaj nun transdonis ghin en tipografion de Prago por brajla presado.

La adresaron eniris 439 adresoj el 42 landoj. Inter ili mi trovis 55 personoj el 24 landoj, kiuj havas proprajn retadresojn. Krom tio, dum multaj jaroj en Prago (Chekio) regule funkcias retejo por nevidpovaj esperantistoj. Se vi deziras ion mesaghi al tiu retejo, skribu jenan adreson: esperanto@braillnet.cz .

[ S-ro V G ]. Law mia respondo, persone neniu de niaj blinduloj povas kontakti interrete kun alilandanoj. Do, kara samideano, mi esperas ke vi iomete estas kontenta kun mia respondo. Se, vi interesighas pri aliaj aferoj en la kampo de nia esperanta movado, bonvolu demandi, mi tutkore respondos al vi.

[ S-ino L P ]. Mi ne havas interreton, sed povas uzi retposhton. Estas unu familio, blindaj geedzoj, kiuj havas interreton.