En ĉijara Japana Esperanto-Kongreso mi havis unu grandan celon kiu estis aliĝi al Panela (Afiŝa) Sesio.

   La projekto de LKK celis reciproke interŝanĝi belajn  informojn en ĉiutaga Esperanto-movado per la montrado de fotoj aŭ afiŝoj eĉ dokumentoj.

   Alt-mezlernejo en Okajama-ŝi (Sanyou-Jyoshi-Koukou) preparis belan kaj valoran montraĵon pri Gantretto (Gauntlett) kaj lia edzino Cuneko (Tsuneko) ankaŭ pri JAMADA Kousaku (YAMADA Kosaku).
   Kompreneble mi preparis multajn dokumentojn kaj objektojn pri 25 miaj movadoj. Sed bedaŭrinde malmultaj kongresanoj vidis miajn panelojn pro manko de libera tempo. Unu virino mendis al mi broŝretojn "La Ponto-Lingvo Esperanto" por sia gvido esp-kursanoj.

   Kelkaj esperantistoj demandis al mi pri miaj montraĵoj; jen estas granda koverto kun multaj poŝtmarkoj el Estonio, jen instruado de Esperanto al mezlernantoj, jen adresaro de alilandaj sendintoj de bildkartoj.