Raportinto estas studentino I Su-ĵin (LEE Su-jin el Koreio).
--- KEJ = Korea Esperanto-Junularo. S-ino Lumera preparis ĉi-manuskripton por Hela. --
Mi elektis kelkajn partojn laŭ la longeco pro legkapablo de Hela.

 

--- Parto 01: ŝi legis. ---
   Saluton ! Mi estas Hela. Mi volas prezenti junularan movadon en Koreio. Mi estas membro de KEJ (Korea Esperanto-Junularo). Unue, mi informas vin, ke mi estas komencanto. Mi legas kion la prezidantino de KEJ, Lumera, skribis por mi. Se vi havas demandon, bonvole al ŝi demandu. Jen mi komencos. Kvankam KEJ estis fondita antaŭlonge, longan tempon ĝi ne estis aktiva. Ekde aŭtuno en 2012, KEJ vekiĝis.

[Amikiĝo, Lernado, Movado]
   Ŝtupo post ŝtupo, ni daŭrigas movadon. Ni ne estas hastema, kernaj aktivuloj kreskis. Nun ni arde laboras por bazon konstrui. Ni aŭdis ke en Kjuŝu-Esperantujo gejunuloj komencis lerni Esperanton. Do, KEJ volonte kundividas nian sperton vigligi junularan movadon. Mi esperas ke mia prezentado helpas vin kjuŝuanoj.

--- Parto 02 : ŝi legis.---
1. Regulara kunveno de KEJ.
   Ĉiu-du-semajne KEJ havas regularan kunvenon. Printempe, semajnfine ni kune vizitis 5 malnovajn palacojn en Seŭlo. Anticipe, mez-nivelantoj volontas esti gvidanto de la semajno. La gvidanto de la kunsido studinte historion de la palaco, ĉiĉeronas homojn, nur Esperante. Por la turismo, ni pasigas 1 horon.
   Poste, ni iras en kafejon kaj libere studas Esperanton en paro. Je la komenco prezidantino demandas al homoj, kion ili volas studi. Kaj helpas parigi ilin, konsiderante ilian intereson kaj parolkapablon. En la unua 30 minutoj, sam-nivelaj partoprenantoj pariĝas. Kaj en la dua 30 minutoj, malsamnivelaj partoprenantoj pariĝas. Laŭtlegi tekston, nur esperante konversi, instrui-lerni gramatikon, memorigi vortojn, kaj tiel plu. Ĉiuj paroj libere decidas kion ili volas studi.
   Dume, la prezidantino diskutas kun membroj kiuj planas projekton kaj bezonas subvencion. Pri tio mi poste reklarigos. Ŝi anoncas informon kaj esploras opiniojn de homoj en la kunsido ankaŭ.
   Kiam lernado finiĝas, ni kune skribas noton de la tago. Mallonge kaj senpeze oni laŭvice parolas pri sia lernado, opinio, sento, kaj tiel plu en korea lingvo. Tio mem fariĝas bona raporto. Tion volontulo aperigas en la reta tabulo de KEA hejmpaĝo. Tiel ĉiu-du-semajne kunsidas. Por la regulara kunsido, KEJ elspezas maksimume po 8 000 ŭonoj por unu persono. Tio samvaloras 730 jenojn. Avaraĝe 5 homoj venas. Per la mono ni laŭplaĉe ĝuas manĝeton. Koreaj eksjunulaj esperantistoj ĉiam subtenas junularan movadon. Ili mondonacas al ni fojfoje, do danke al ili, ni ne tiel zorgas pri financa problemo.

--- Parto 03 ---
2. Kun eksjunuloj [ŝi legis].
   La ĉiu-du-semajna kunsido estas ekskluziva. Nur por gejunuloj. Tamen, ni klare raportas por atentigi eksjunulojn, kaj ankaŭ preparas ŝancon por renkontiĝi kun eksjunuloj. Ni malperiode kunmanĝas vespermanĝon, kaj en tutlanda kunsido de KEA, junuloj havas oficialan programon, “Homlibo-Biblioteko”.
Gejunuloj fariĝas libroj. Partoprenantoj anticipe preparas sian rakonton. Ili verkas tekston, konsultas mez-nivelantojn, kaj prov-ripetas paroli. En tutlanda kunsido, la libraj homoj devas esti legataj de kelkaj eksjunuloj. Alivorte, gejunuloj prenas devon konversi kun kelkaj eksjunuloj dum kunsido. Tiele gejunuloj kaj eksjunuloj povas alproksimiĝi.

3. Helpi projekton [ŝi ne legis].
   En nia regulara kunsido, ĉu vi memoras ke la prezidantino diskutas kun membroj ? KEJ rekomendas al siaj membroj ke ili planu projekton kaj kune alĝustigante, prenu subvencion. KEJ per financa kaj nefinanca subteno, helpas siajn membrojn, kaj devigas ilin fari fruktodonan laboron. Por ekzemplo, jen mi rakontos vin pri mia okazo. Mia vizito al ĉi tiu kongreso, estas mia projekto. La prezidantino ricevinte informon, ke en Kjuŝu estos kongreso, kaj eksjunuloj subvencios unu gejunulon al la kongreso. Mi volontis por gajni subvencion. Kaj kun la prezidantino mi planis pri preparado, raporto kaj reservo.

--- Mia preparado: ---
   Mi verkis po 10 frazojn por 1 temo. La prezidantino donis min 5 temojn. Do mi skribis sume 50 frazojn. Tio estas por plialtigi mian parolkapablon en Esperanto, ĉar mi estas vera komencanto.
* Kun alia KEJ-membro, mi multe provis paroli en Esperanto.
--- Mia devo: ---
* Mi promesis prezenti KEJ en la kongreso. Kaj nun faras ĝin.
* Mi skribos po 10 frazojn por 1 homo kun kiu mi amikiĝis en la kongreso. Kaj mi faros tion por 5 homoj. Do, sume mi skribos 50 frazojn. Mi kompreneble sendos ĝin al la geamikoj.
* Post mia reveno, mi partoprenos en sezona raporta kunsido de KEJ kaj prezentos mian viziton en Kjuŝu-Kongreso.
* Laste, en somera projekto, mi laboros kiel kerna membro. 
   La prezidantino helpas plani, kaj petas konsenton de aliaj membroj kaj kasisto. Ĉi tiel, iu membro planas sian projekton kaj gajnias helpon de KEJ. Prezidantino diras ke ŝi estas aranĝantino aŭ makleristino de provizoj.

4. Kun aliaj landoj.
--- Kun Kongolando. ---
   Nun KEJ kunlaboras kun esperanta lernejo en Kongolando por somera projekto, ke ni kreu kaj interŝanĝu lernomaterialon. Dum tri monatoj, ĉiumonate la du organizoj respektive kreas 1 lerno-materialon por partnero. Ekzemple, se KEJ faros lernomaterialon en temo "spaco", ni metos fotojn de niaj amikaj ejoj, kiel hejmo, lernejo, kunsidejo, strato, restracio, necesejo, kaj tiel plu. Kaj ni prezentos ilin rilate al niaj personaj membroj. Faronte, KEJ sendos ĝin al Kongolando rete, ricevos alian lerno-materialon de ili.
   Kiel jam dirite, KEJ-anoj kunsidas 2-foje en unu monato. En la unua kunsido de la monato, ni faros lerno-materialon por kongolanda partnero, kaj en la dua kunsido de la monato, ni havos kurson utiligante lerno-materialon farita de partnero. Ni aprecos ĝin, laŭtlegante, diskutante, laŭ ordono de la materialo. Kaj ni sendos komentarion al nia partnero pri kiel la materialo ĝojigis nin.

   La malsameco de Kongolando kaj Koreio interesos partoprenantojn. Formo de lernomaterialo povas esti diversa. La lernomaterialo ne estu objektiva raporto. Ni volas ĝin enhavi multe da personaj, konkretaj vidpunktoj de gejunuloj. Tio pli alproksimigus homojn. Tiamaniere, Esperanto-lernado estos pli amuza, kaj gelernantoj povas senti Esperanton kiel veran komunikilon inter kulturoj.

--- Parto 04 : ŝi legis. ---
--- Kun Japanio. ---
   Alia somera projekto, kiun KEJ atendas, estas projekto kun Japana Esperano-Junularo, JEJ. La projekto "Somera
Vizito en Seŭlo" ankoraŭ estas en sia progreso. Tio ne estas fiksita, kaj nun estas diskutanta kun JEJ-estrarano.
Mi nur diros nian provan planon al vi por ke vi konsilu nin. 
   KEJ vizitis Japanion de jarfino al jarkomenco. Ni havis tre agrablan tempon kun japanaj gejunuloj. KEJ planas la someran viziton por plumultigi malgrandajn, personajn, malmultekostajn, malpezajn interŝanĝojn inter Japanio kaj Koreio. Do, ne estos fakaj kunsidoj, aŭ oficialaj diskutoj. Nur estos ekskursoj. Ĉar por ni, la plej kara momento en Japanio okazis ne en kongresejo sed nur strato babilante kun japanaj gejunuloj.
   Homoj povas veni kiel viziti hejmlokon de malnovaj geamikoj. Koreaj gejunuloj regalos gastojn, kun-iradante en turismaj lokoj. En malgrandaj grupoj oni ĝuos tempon. Mi esperas ĉi tia sperto vigligos aliajn neoficialajn renkontiĝojn. Kaj KEJ volas fari tion kiel komuna projekto de KEJ kaj JEJ. KEJ proponis ke antaŭ kaj dum la renkontiĝo, KEJ gvidu la projekton, kaj poste JEJ gvidu dokumentigi. KEJ ankoraŭ ne estas lerta pri tia laboro, kaj JEJ havas sufiĉan sperton en publikigo.
   Ĉar aviadila bileto kostos multe. KEJ-anoj kompreneble gastigos vin kaj en unu vespero ankaŭ KEJ festenos. Niaopinie, tio ne estas proporcia, ĉar JEJ-anoj devas pagi monon por aviadilo, kaj poste ili gvidos publikigi raporton.
   Mi finos mian prezentadon de KEJ. Se vi havas demandon, bonvole sendu retmesaĝon al Lumera, prezidantino de KEJ. Mi esperas ke junulara movado en Kjuŝu sukcesos, kaj ni pli amikiĝu. Se vi bezonas helpon , bonvole kontaktu nin. Koran dankon pro via aŭskultado.